Ledig stilling: Ordrekoordinator – Plateavdeling

I Nomek As er ingen dag heilt lik den andre. Her blir du ein del av eit sterkt fellesskap med over 80 dyktige kollegaer som jobbar saman for å skape smarte løysingar innan platebearbeiding og lastebilpåbygg. Vi er stolte av kven vi er, kvar vi kjem frå, og kor vi er på veg.

Kven er vi? Nomek er ei mekanisk industribedrift med base i Stryn – omringa av fjordar, fjell og frisk luft. Men det er ikkje berre naturen som tek pusten frå oss! Dei siste åra har vi opplevd ein sterk vekst, og i 2026 reknar vi med å omsette for heile 224 millionar kroner. Vi omorganiserer for å rigge organisasjonen for framtida og treng ein ny ordrekoordinator på vår plateavdeling.

Kva vil du gjere hos oss? Når ein ordre blir riktig frå start, sparer det både tid, pengar og frustrasjon. Du vil vere bindeleddet mellom kundar, sal og produksjon i plateavdelinga vår.

Dette er ikkje ei passiv kontorrolle. Du har tett dialog med kundar og kollegaer, jobbar i systema våre – og sørgjer for at ordrar, prisar og leveransar heng saman i praksis.

Oppgåvene dine vil omfatte:

• Registrere og følgje opp ordrar frå start til levering
• Ha dialog med kundar og bidra til god planlegging
• Støtte seljarane med tilbod, prising og fakturering
• Definere produkt og registrere desse i ordresystem

Kven er du? Du treng ikkje vite alt frå fyrste dag, men det er ein fordel om du kjenner deg igjen i mykje av dette.

Vi håpar du har, men har trua på at alt kan lærast:

• Teknisk bakgrunn, gjerne med erfaring frå produksjonsmiljø.

• Gode IT-kunnskapar og interesse for system og struktur (eller motivert til å lære det).

• Gode kommunikasjonsevner på norsk, både munnleg og skriftleg

Og eit pluss om du er:

• Ryddig og nøyaktig – du likar orden og har kontroll på detaljane.
• God til å handtere fleire oppgåver samtidig – utan å miste oversikta.
• God økonomisk forståing – gode kremmareigenskapar.
• Serviceinnstilt og løysingsorientert – og lett å samarbeide med i kvardagen.

Kvifor velje Nomek? Hjå oss får du ei viktig rolle i kvardagen – der jobben du gjer faktisk har noko å seie for kundar, sal og produksjon. Du blir ein del av eit arbeidsmiljø der folk ser kvarandre, hjelper kvarandre og jobbar tett saman på tvers av avdelingar. Vi er ei etablert verksemd som aldri står stille, og du får varierte arbeidsoppgåver, utfordringar du veks med og gode moglegheiter for fagleg utvikling. Her får du ordna forhold, konkurransedyktige vilkår – og ikkje minst del av eit godt fellesskap.

Vil du vite meir? Ta kontakt med dagleg leiar Jon-Rune Heimlid på tlf. 989 05 785. Han slår gjerne av ein prat og svarar på spørsmål du måtte ha.

Søknadsfrist: Snarast mogleg, og seinast 15. januar 2026. Send skriftleg søknad og CV til jrh@nomek.as.

Er du klar for nye utfordringar? Vi gler oss til å høyre frå deg!